Zientzian oso ohiko da “Ikerketa baten emaitzen arabera…” esaldia, eta horren atzetik esaten dugun edozer gauzak badu egi absolutua izateko itxura. Baina askotan ez da. Ikerketa batean emaitza bat izateak ez du beti bermatzen egiaren puska bat eskuratu dugunik. Koronabirusaren kasuan horren adibide asko dago. Jakin egin nahi dugu eta ahalik eta azkarren konpartitu nahi ditugu emaitzak, ikerketa berriak ahalik eta azkarren egin daitezen. Eta hori ez da beti ideia ona.