Bertoko espezieekiko itsutasuna, euskal gizartearen arazo

EHUko eta Aranzadiko ikertzaileek egindako azterketa batek agerian jarri du Euskal Herriko nerabeek biodibertsitatearen ezagutza mugatua dutela, batez ere bertoko animalia eta landareei dagokionez. Gazteen artean analfabetismo ekologikoaren zantzuak ikusi dituzte, eta biodibertsitatearen eta klima-larrialdiaren baitan, gizartean ezagutza hori bultzatzea ezinbestekoa dela uste dute zientzialariek. Neurriak hartzera deitu dute.