blogak

Sustatu

Euskal diseinu industrialaren erakusketa ederra Donostian

Orain diseinua! Euskadi eta industria erakusketa Donostiako Tabakaleran ikus daitekeen produktu industrialen erakusketa interesgarri bat da. Datorren urteko otsailaren 9a arte dago irekita, egunera, eguerdiko 12.00etatik iluntzeko 20.00ak arte.

Gillermo Zuaznabarrek zuzendutako erakusketa bat da, eta bilduma egiteko ehun enpresa baino gehiago aztertu ditu, 40 enpresetako eta bilduma publiko nahiz pribatuetako 120 lan aukeratu ahal izateko.

Lau ataletan antolatu dute erakusketa, eta ibilbide kronologiko bat egiten du euskal diseinuaren historian zehar, XIX. mendearen amaieratik gaur egunera arte. Mota askotako lanak daude ikusgai: artisautza-lanak, armagintza-produktu eta -tresnak, makinak eta lanabesak, eraikuntzarekin, ehungintzarekin, altzariekin eta kirolarekin lotutako obrak... 

Toki zehatz bateko lanak nabarmentzen badira bilduman, Eibarkoak dira horiek. Eibarko Armagintzaren Museotik eroandako piezak daude Tabakaleran ikusgai, hala nola Lambretta moto eder bat, armak (BH markako pistolak edo eskopeta ederrak), eta baita BOJ edo El Casco etxearen metalezko pieza gogoangarriak. Esate baterako, ilustraziorako hautatu dugun irudia, BOJ markako botilak irekitzekoa, haren diseinu eta patente orijinalerako sortutako zirriborroetako batzuekin. David Olañetak 1930eko hamarkadan diseinatutako palanka bikoitzeko kortxoa kentzekoa pieza zoragarria da, beti praktikoa.

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07