blogak

Sustatu

Denbora-bidaiariaren selfie sorta

Stelfie izenarekin, norbaitek Stable Diffusion adimen artifizialeko irudigintzako tresna erabiltzea erabaki du, denbora-bidaiari batek atera zitzakeen irudiak lortzeko. Twitterreko kontu honetan ikus daitezke irudiak.

Hemen goiko adibidean, Leonardo da Vinciren tailerra bisitatu du gizonak, Leonardo Gioconda marrazten ari den unean. Irudi horretan, besteetan bezala, denbora bidaiari burusoila (ez dakigu benetako itxura hori duen sortzaileak, edo aurpegi hori ere adimen artifizialaren emaitza den) kamerara begira agertzen da, selfie posturan, telefono-kamerari eskuaz eutsiko balio bezala.

Iraganeko argazki batzuek errealismo ukitu interesgarri bat dute, hala nola piramideetako honek:

 

Une mitikoetara joatea ere erabaki du, ordea, hona Troiako zaldiarekin, mitologikoa den kontu bat, dudarik gabe:

 

Giza-historia baino lehenagora joateko gaitasuna ere badu, dinosauroen garaira, kasu:

Itxura batean irudiak NFT gisa saltzen ere saiatu da gizona... Tira, alde horretatik kritikatu dute, baina egia esanda, ez dugu uste asko aterako duenik. Irudien pixel hauek guztiz kopiagarriak dira hemen itsastearekin demostratzen dugun bezala. Era berean, adimen artifizialez sortutako irudi hauen copyrightez libreak direla ebazten ari dira adituak 2022 honetan.

Jarraitu https://twitter.com/StelfieTT 

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07