Bideojokoak.info, gurasoentzako informazioa

www.bideojokoak.info Unai Arrugaeta Lehen Hezkuntzako irakaslearen ekimen didaktikoa da. Bideojoko ezagun batzuen deskribapena egiten du webgunean, beren egokitasuna neurtu dezaten gurasoek.

Sei jokoren azalpena dakar webguneak oraingoz: Brawl Stars, Fortnite, Among Us, Fifa, Roblox eta Minecraft.

Eskola-umeek eskura izan ditzaketen bideojokoak, jakina, dozena erdi hori baino askoz gehiago dira, baina nola ohikoan PEGI kalifikazio sistemarekin datozen, horren deskribapen praktikoa ere badu webguneak. Batetik zer diren PEGI etiketak, eta PEGI deskriptoreak zer diren, bideojokoen edukia deskribatzeko ikono eta zehaztapenak.

Ikus bideojokoak.info