Abizen mapak, tresna grafiko interesgarria

Abizen mapak dira Europako herrialde batzuetarako garatzaile batek (Savara delakoak) sortu duen webgune eta app sorta. Euskaldunoi bertsio espainol eta frantsesa interesa dakiguke, Euskal Herri osorako bilaketaren: faltan... Mapadeapellidos.eu eta Nomdefamille.eu dira web aukera horiek.

Ez dakigu zehatz zein urtetako errolda edo iturri erabili dituen, baina emaitzak oso azkar ematen ditu zerbitzuak eta oro har datu zuzenak izan daitezkeela susma daiteke. Euskal deitura batzuekin egin ditugu bilaketa batzuk, eta hona emaitzak.

Errandonea abizenaren zabalkundea.

Bilaketak zuzenean egin daitezke URL-ak osatuz, Errandonea deituraren kasuan honela:

• https://www.mapadeapellidos.eu/index.php?sur=Errandonea&s=Buscar
• https://www.nomdefamille.eu/es/index.php?sur=Errandonea&s=Buscar

Errandonea abizena... ortografikoki neutrala dela esan daiteke. Baina kontuan hartu behar da euskal deitura asko, Euskal Herrian bertan, grafia erdaldunez idatzi ohi ditugula. Horrek honelako emaitzak eman ditzake, konparatuz gero iparraldean Etcheverry eta Etxeberri.

Bai, hala da, Etxeberri kasurik ez omen dago Ipar Euskal Herrian, ezta Frantziako estatu osoan. Hegoalderako, konpara ditzagun Etxeberria eta Echeverria.

Gaztelerazko forma, askoz zabalduagoa...

Bestalde, Etxebarria eta aldaerak ere bila daitezke, noski, zuen esku, hona web helbideak:

• Mapadeapellidos.eu 
• Nomdefamille.eu