blogak

Matematiketan

1500 piezako puzzlearekin goiz matematikoa nola egin

 

Proposamen honetan elkarlan kooperatiboa eta matematika nahastuko ditugu goiz matematikoa egiteko helburuarekin. Jarduera hau egiteko, umeak ohituta egon beharko dira kontaketa errutinak egitera eta sailkapen errutinak egitera.

Pieza asko (500, 750, 1000 edo 1500 esate baterako; ikasle taldearen tamainaren arabera) dauzkan puzzlea hartuko dugu eta piezak gelako kide guztien artean banatuko dugu haleretsi; bakoitzari kopuru diferentea emanez.

Umeek banaka jardungo dute baina 4ko taldeetan ari direla ere kontsideratuko dugu. Lan hauek egin ahal izango ditugu hortik aurrera.

  • Bakoitzak kontatu ditzala bere piezak eta zenbakia eraiki montessori txartelekin eta erregletekin.
  • Lauko taldean atera diren kopuruak ordenatu ditzatela txikitik haundira.
  • Begiratu dezatela ordenazio edo hurrenkera horretan zenbat gehiago daukan bakoitzak besteak baino.
  • Erabaki dezala bakoitzak bere kopurua bakoiti edo bikoitia den, ea bi multzotan jarri daitezkeen ala ez ikusita. Jaso emaitzak arbelean ehuneko taula baten gainean, bakoiti-bikiotien arau eta posizioak azaleratzeko. Ondorioztatu dezatela bakoiti edo bikoitien arau memoristikoa.
  • Egin dezatela lau kopuruen batuketa baina bakoitzak modu baten: Algoritmo tradizionalarekin, ehuneko taularekin, erregletekin, eta zotzekin. Gero konparatu eta konprobatu dezatela emaitza 4 multzoak elkartuz eta piezak 10eko paketetean antolatuz.
  • 4ko taldean berriz ere, bildu dituzten piezen sailkapenak egiteko kriterioak bilatu ditzatela. Kriterioak ahoz esan, multzoak egin eta bakoitzari bere txartela jarriko diote jarduera honetan. Atera diren kriterioak talda haundian komentatu eta konparatuko dira.
  • Pieza kopuru totala kalkulatuko dugu hurrena, 4ko taldeetan atera diren kopuruak erabiliz. Berriz ere batuketa egiteko modu anitzak erabili daitezke. Agian kalkulagailuari lekua egiteko momentua izan daiteke. Ba al daude espero ditugun pieza guztiak?
  • Bukatzeko,¬† puzzle osoak daukan pisua kalkulatuko dute. Hurrengo lana, puzzle multzoa¬† bi erditan banatzea edo herenetan edo laurdenetan banatzea izan daiteke, pisuaren arabera.

Honaino emango luke LH 1 (pieza gutxiagorekin), 2 eta 3 ingurun lan egiteko. Hemendik aurrera ere badaude aukerak dena den, eta ez gutxi.

  • Bakoitzari atera zaizkion kopuruen zatitzaileak atera daitezke.
  • Zatikiak lantzeko ere erabil daitezke. 1500en 4/5en zenbat den fisikoki eraiki ahal izango litzateke esate baterako
  • Hamabosnaka ehuneko taularen egituran banatuz gero % kontzeptua landu ahal izango litzateke. 1500en %30 zenbat den. %30 kenduz gero zenbat geratzen den.

Aukera asko eta asko ematen ditu puzzle sinple batek. Guk geuk aukerok zukuten jakitea da kontua, ezta? Hau irakurri eta ideiaren bat bururatzen bazaizu, badakizu; bidali komentarioen atalera!

 

jatorrizkoa ikusi

2013-2023
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07