Nola jarri Luberri sistema ukranieraz

 Ikastetxe batean eskatu didate erakustea nola jartzen den Luberri sistema ukraineraz eta hemen azalduko dut nola egin dugun.

Luberriren testu editorean karaktere zirilikoz idazten

 

Ezarpenen aldaketak ikaslearen mini-eramangarrian egin dugu. Horretarako:

1- Ikaslearentzat erabiltzaile lokal bat sortu.

Ikaslearentzat erabiltzaile lokal bat sortu dugu: administratzaileak Sistemaren ezarpenak > Erabiltzaileak eta taldeak > Gehitu erabiltzaile estandarra eta ikaslearen izena jarri.

Ondoren, erabiltzailea hautatu eta pasahitz bat jarri. Hobe pasahitza numerikoa zeren eta teklatua aldatzean alfabetoa aldatuko da baina latinoa eta zirilikoan zenbakiak berdinak dira.

 Administratzailearen saiotik irten eta sortu berri dugun ikaslearen saioan sartu. Hemendik aurrera egingo ditugun aldaketak ikasle horren ezarpenetan egingo dugu, gainerako erabiltzaileek sistema, aplikazioak eta teklatua euskaraz erabiltzen jarraituko dute.

2 Hizkuntza aldatu sistema eta aplikazioei

Sistemaren ezarpenak > Hobespenak Hizkuntzak > Instalatu > Gehitu > Ukrainian, Ukraine

3- Teklatu zirilikoa jarri.

Ukrainan, Errusian eta Bielorrusian bezala, teklatu zirilikoa erabiltzen dute. Hori konfiguratzeko :

Sistemaren ezarpenak > Hardwarea > Teklatua > Diseinuak > + gehitzeko beste diseinu bat > Ukranian (typewriter).

 Eta zerrendatik Spanish kendu (hautatu eta - ), ez da nahikoa ukrainarra gainean jartzea.

4- Gometxa zirilikoak jarri teklatu latinoaren gainean.

Teklatu zirilikorako gometxak edo pegatinak eros daitezke

edo behin behinekoak egin gometxetan karaktereak tinta iraunkorreko errotulagailuaz margotuta.