blogak

Kutxa batean aurkitutako idatziak

EZ GARA ASKE IZATEN EZ BAGARA.

Izan edo ez izan.

Aske sentitu edo ez.

Zer da bizitza aske sentitu gabe?

Zer da askatasuna izanik gabe?

Bizitzan zehar igaro da denbora, urteekin zer axola?

Maite, izan gabe edo izaten, askatasunik gabe aske izan arte.

Axola gabe, edo garrantzia guztiarekin, saiatzen, ilusioez janzten, amesten, askatzen, barnetik barnera eragiten, bihotzetik bihotzera biluzten, lotzen, batzen, garena bizitzen, izaten.

Izan aditzik gabe ez dela izaten,

izan gabe, ez garela askatzen.

Musukorik gabe, muxuez gainezka elkar besarkatzen,

maitasunez eta maitasunetik zor dizkiogunak laztantzen, sentitzen, barneratzen.

Zer da maitasuna, libre izan gabe?

Ezin ditugula aldamenekoa maitatu, gure burua maitatu gabe,

utz diezaiogun denborari jarduten musukorik gabe, bilakatuz amaigabe.

Uneak islatuz, uneak biziz, joko honen barruan arropa gabe,

biluztuz arimak, izanik aske, aske sentitu arte,

izan aditzik gabe ez delako izaten, askatzen,

ez dugulako maitatzen,

denboraren aurreiritziak erakutsiz, ateratzen garela galtzen,

uzten baitiogu bizitzari axola gabe igarotzen.

Izan edo ez izan.

Aske sentitu edo ez.

Zer da bizitza aske sentitu gabe?

Zer da askatasuna izanik gabe?

 

Izan ARGIAko bazkide: astekariko harpidedun edo argia.eusen laguntzaile

jatorrizkoa ikusi

2013-2021
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07