blogak

Katxonderstango Errepublika

Joseba Sanz: "Egunean Gernikako bonbardaketa bat esportatu dugu Bilboko Portutik Saudi Arabiara".


Argazkia bideo honetatik atera dut: https://www.youtube.com/watch?v=nX79daLfpD8

"Arma Txio Pum" irratsaioan esentziara jo dugu, eta armez, txioez eta eztandez hitz egin dugu. Ez da hitz jolasa soilik, gerraren gordinaz eta armagintza industriaz hitz egin dugu. Horretarako, Joseba Sanz izan dut solaskide, "Gerra hemen hasten da" dokumentalaren zuzendaria.

Elkarrizketa hemen entzun dezakezue.

"Gerra hemen hasten da" Euskal Herriko armagintza industriak Yemengo gerra nola elikatzen duen azaltzen digu. 

Hona hemen dokumentalaren laburpena:




Datuak ikaragarriak dira: Gernikako bonbardaketan 30 tona lehergailu erabili zituzten. Bilboko portutik 12.000-14.000 tona atera dira Saudi Arabiara urte betean. 

Joseba Sanzek dioenez, egunean Gernikako bonbardaketa bat esportatu dugu Bilbotik urte betez.

Eta Euskal Herrian fabrikatutako armak dira. Eta hemen eragile asko daude inplikatuta: enpresak, Jaurlaritza, estatuak, unibertsitateak... 

Inork gehiago jakin nahi badu, hementxe ditu informazio iturri gehiago:

- "Kontzientzia kontua izan zen, ez aldarrikapen ekintza bat". Inazio Robles armak kargatzeari uko egin zion suhiltzaileari Berrian egindako elkarrizketa. 

- "Gerrarako Eusko Label marka, etxe alboan ekoizten diren aramak", Hala Bediren artikulua Euskal Herriko armagintza industriaz.

- "Estas guerras son muy nuestras. Industria militar vasca" liburua. Gasteizkoak kolektiboak idatzitako liburua. Salgai egoteaz gain, PDF formatuan jaitsi dezakezue hemen.


"Arma Txio Pum" ostiralero 12:00etan ematen dugu Oiartzun Irratian, eta segituan jartzen dugu webgunean mp3an jaisteko eta entzuteko.

Martin Kitto







jatorrizkoa ikusi

2013-2020
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07