Iriartegainekoak ("Yriarte Suso") ziren Pedro eta Martin, anaiak. Beren gurasoak Martin Martinez Iriarte (Yriarte) eta Ana Zumeta (Çumeta) ziren. Iriartegaineko eta Zumeta baserrikoak, hain zuzen. Dauzkagun datuen arabera (Donostiako Elizbarrutiko artxibo historikotik jasota) zazpi anai-arreba ziren guztira: lau anai eta hiru arreba.
IRIARTE GAINEKOA
Pedro 1555eko urtarrilaren 20an jaio zen. Martin, berriz, 1568ko otsailaren 8an. Beraz, bata bestearekin, 13 urteko aldea zeukaten.
Ez dakigu nola joan ziren Ameriketara eta ezta zein tokitan eta zergatik ere hil ziren Pedro eta Martin. Posible litzateke aurretik Pedro joan eta ondoren Martin, ohi zen bezala.
Dakiguna da 1596an hil zirela Ameriketan: "en la Carrera de Indias junto a su hermano, en Anzuola se hizo el sentimiento" diosku heriotza agiriak.
Beraz, Ameriketara joaten ziren herritarren egoerak nolakoak ziren sarritan ez dakizkugu arren, iristen ziren albiste batzuk ez ziren izaten onenak. Ze zurrumurru ibiliko ote zen garai hartan Antzuolan heriotza hauen bueltan!
ITURRIAK:
DONOSTIAKO ELIZBARRUTIKO ARTXIBO HISTORIKOA: