Blogetan! Blog izarren bila

HEZKUNTZA ANTZUOLAN: LIBURUA ETA ERAKUSKETA

Joan zen eguenian (otsailak 27) aurkeztu zen Olarango jauregian "Hezkuntza Antzuolan" liburua. Herritar mordoxka bat gerturatu zen saiora, eta, liburuaren aurkezpena bukatuta, Olaranen bertan liburuaren izen bera duen erakusketa zabaldu zen.

Gune edo txoko ezberdinak dauzka erakusketa honek:

Hezkuntzari buruzko lehendabiziko aipamenak. XVI. mendetik hasita alfabetizazioaz, lehendabiziko eskola eta maisuaz ... hitz egiten da bertan.
Auzoetako eskolak. Uzarragako eskolari ematen zaio batez ere garrantzia, baina Aizpurutxo (Azkoitia) eta Sarramendikoa (Koroso, Oñati) ahazteke.
Berriotxoa ikastetxea (Maristak). 1931ean sortu zen Berriotxoa ikastetxea Antzuolan. Herrian zeuden maristek eraikitakoa.
Eskola Nazionalak. Garai bateko eskola nazionala eta aldi berean publikoa zenari buruz, historia kontatzen da.
Haur-Hezi ikastola. Herriko ikastolaren sorrera, bilakaera eta herri ikastetxearekin elkartu zeneko garaiak ikus daitezke.
Antzuolako Herri Ikastetxea. 1981ean ikastola eta herriko ikastetxea bat eginda, Herri Ikastetxe honek bere pedagogia arrakastatsua duen markoa azpimarratzen da txokoan.
Kapiri, Kanseniako Kongoko eskola. Alfontso misiolariak -dagoeneko hilda- eta Getxoko herriak hasitako proiektuaren jarraipena egiten dute herriko ANELKAR eta Bittor Arbuluk. Bertan ateratako argazkiak ikus daitezke bertan.