Ezin dugu esan inguru hau herrigunetik gertu dagoen lursaila denik. Hasteko, Azaldegietara joan beharra daukagulako, eta, ondoren, Bergara aldera jaisten den mendi hegala hartu beharko dugu ASTOAGAra iristeko. Garai batean ezaguna zen bertan izen bereko herriko baserri bat zegoelako, baina gaur inguru itxia eta sastraka beterikoa da. Bere ertzetako batek bat egiten du Landarraitz gainarekin, eta baita Bergarako udalerriarekin ere. Horren lekuko bertan dauden mugarriak.