blogak

Iparraldeko neska

Umeak ginenean

Umeak  ginenean

 

Umeak ginenean

zaharrek hogeita hamar urte edo zituzten

putzu bat ozeanoa zen

heriotza argi eta garbirik

ez zegoen

 

koxkortutakoan

zaharrak berrogei urtekoak ziren

urmael bat ozeanoa zen

eta heriotza

berba bat baino ez

 

ezkondu ginela

zaharrak berrogeita hamarrera

helduak ziren

aintzira bat ozeanoa zen

heriotza

besteen heriotza zen

 

orain adineko

egia igarri dugu

ozeanoa ozeanoa da azkenean

baina heriotza,

geurea izaten hasi da.

 

Mario Benedetti
Itzulpena: Xabier Boveda
Irudia:

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07