blogak

Iparraldeko neska

Porrot domestikoak

Porrot  domestikoak

 

gogorra behar du izan

aingirei burua moztea

norberaren atzamarrak moztu gabe

gorputza bihurritzea,

bisiguaren ezkatek estali ez zintzaten

oheko izaren soka-lasterrei ihes egitea

 

gau itsuetan

uretan ikaragarri hazten ziren garbantzu aleen aurka

burutzen zenituen gudak

zeregin hutsala

dilistak arroz aleetatik banatzea

a ze inpotentzia esne egosiak gainez egitean

geldiezin

 

zartaginen zaratotsak ez zizun

musika entzuten uzten

zure frantses eta alemanaren ezagutzak

alferrikakoak ziren sutegiko koipeen aurka

eta hoditeriak umeak bezala oihukatzen zuen

kalatxoriak eta patatak

kazola hondoan itsasten zirenean

 

zergatik zaude argazkietan irribarrez

ama?

 

Marilar Aleixandre
Itzulpena: Leire Bilbao

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07