blogak

Iparraldeko neska

Bizitzak

Bizitzak

 

Bizitzak ez du etsitzen

ezpada muga latzetan;

ezpadu Oihanarekin egiten amets,

egiten du Desertuarekin.

 

Eta hala, Iraila Garo Gorridunak

soilik Elur, soilik Otso,

Barren zabal eta izoztu

izan nahiko zukeen;

 

Eta izan nahiko zukeen Eguzkiak

Argi huts eta zorrotz

Erleen memoria ahulean;

 

Gaua, berriz,

hastapenetako garaiaz

oroitzen da bereziki,

orduan ez baitzen gaua besterik;

 

Era berean, Egundo Ez

edo Beti Beti

esaka dabil nire Bihotza;

Bi hitz bakarretan

erabakitzen ditu, zoritxarrez,

bere desira guztiak.

 

  Bernardo Atxaga
  Irudia:

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07