Moyano legeak (1857) ezarri zuen lehenengo aldiz 6 eta 9 urte arteko neskak eskolara joateko derrigortasuna. Neskentzako eskolak sortu zirenez, maistrei prestakuntza pedagogikoa emateko beharra ere sortu zen. Baina bi sexuen lan-banaketa tradizionaletik abiatzen zen legea, eta neskak etxerako edo magisteritzarako besterik ez zituen prestatzen. Beraz, neskak mutilengandik banatuta zeuden eta garatzen zuten curriculuma ere desberdina zen. Ikasketetan aurrera egin nahi zuten emakumeen bidea ez zen erraza.