Baziren, badira eta izango dira...

 

Urteetan, mendeetan, helarazi digute ez zeudela, ez zela izan  emakumezko sortzailerik.  Eta sarri hura sinistu dugu.  Gutxi dira, baina  baziren, gero eta gehiago dira. Bide horretan, ezinbestekoa izango zaigu  horrela zergatik izan zen azaltzea.  Inoiz gutxi gertatzen baitira gauzak arrazoi barik. 

Hala, horrekin batera, bidea dugu izandakoak gogora ekartzea,  eurek egindakoa balioan jartzea. Ez baitzen, eurentzat, erraza izango egin zutena egitea. Halere, egin zuten; egitera ausartu ziren. Sentitzen zuten bulkada edozein zapalkuntza baino indartsuagoa izan zen.

Honekin lotuta, hauxe da aukeratu dudan artikulua. Oso interesgarria iruditu zait, gainera, bertan Bizenta Mogel nire idazle kuttunaren berri ematen da.

Gaur, abenduaren 3a izanik,  emakumezko euskara sustatzaile bat gogora ekarri nahi dut: Elbiria Zipitria. 

Elbira Justa Zipitria Irastortza maistra, ikastolen sortzaileetarikoa, euskararen sustatzaile eta emakumeak baztertzearen kontrako borrokalaria izan zen. 

Horrela zioen Elbiria Zipitriak: 

"Txori bakoitzak bere abestia, Herri bakoitzak bere hizkera, 

Euskaldunok euskera! 

Guk ahal ditugun hizkuntza gehienak ikasiko ditugu: 

buruan hiru... edo, baina bihotzean bakarra: gurea!"

Hemen, Elbiria gertuagotik ezagutzeko aukera: