“Santa Ageda bezpera degu…”

Aurten kalez kale edo baserriz baserriko santa eskeak bertan behera geratu dira, baina hainbat modutara ospatu dute Agate Deuna Euskal Herriko zenbait bazterretan:

Altsasuko Gaztetxeak “Gonbidatu izatetik protagonista izatera” dokumentala emango du 19:00etan, emakumeek ospakizun honetan izan duten papera aztertzen duena:

Osasun neurriak betez kantatu dute, adibidez, Donostiako Aitor Ikastolan:

Argazkia: @inigobalda.

Amorebietako Lauaxeta Ikastolak zahar etxekoei kantatu diete:

Bihotzetatik lehioetara. Honela abestu deutsee ikasleek adineko egoitzetakoei. Besarkada bat guztiei! /
Desde el corazón a las ventanas. Es como han cantado los alumnos/as a los residentes y trabajadores de Orue.#LauaxetaIkastola #SantaAgeda @ImqEuskadi pic.twitter.com/Ae2qSLrDmN

— Lauaxeta Ikastola (@lauaxetaikastol) February 4, 2021

Etxe barruan kantatzeko eta horrela kantuak eta koplak gogoratzeko deia egin du urtero Hernanin erronda egiten duen Ohitura Zaharra abesbatzak. Astigarragan, etxean abesteko proposamen hori erraztuko du Aiztondo abesbatzak. Izan ere, lau lagun aterako dira, karroa eta baflea hartuta, Santa Ageda bezperako doinuak zabaltzera. 18:30etan abiatuko dira, Kontxa Etxeberria plazatik. Urumeako Kronikan irakur daiteke gehiago ekimen hauen berri.

Gaztea irratiak aktualitateari lotuta moldatu du kopla kantua:

“Santa Agedako Koplak Pandemiari”- @DidaGaztea

COVID ON ETXE HONTAKO DENOI
FROGAK EGITERA GATOZ
PHIZER-IK PHIZER BOLADA TXAR HAU
AURTEN AMAITZEKO ASMOZ

EZ GAUDE OSO ABERATS BIRUS
PCR TA ANTIGENOZ
BAINA BASTOIEZ SANO GABILTZA
TA SARTU NAHI DUGU GOGOZ#SantaAgedaBezpera @eitbeus pic.twitter.com/vJhoRP1s4N

— gaztea (@gaztea) February 3, 2021

Abanto-Zierbenako Udalak zozketa antolatu du herritarrek sare sozialetan zabalduko dituzten Agate Deunako koplen artean.