ADAGIO III.
- Bide nahasgarri bat hasi dudala oso argi dut.
- Ez nuen bakardadea ezagutzen, nire larruzko jakarekin.
- Batzuek beren izenak paretetan idazten dituzte. Ohitura berriak.
- Nire belauneko mina gustuko dut, nirea baino ez delako, burges horiek ezin didate lapurtu.
- Baliorik ez duten gauzak egitea gustatzen zait: botereak sortzen, arautzen edo ordaintzen ez dituenak. Langileek nire lana baloratzen ez dutela onartzea gehiago kostatzen zait.
- Baratzeko tesiak jasotzeko, lehenik hipotesiak erein behar dira.
- Gizartea kolektibotik isolamendura. Kapitalak monopoliora. Kontrako zentzua da iraultza.
- Zure pausuen soinua entzuteko aukera izan dut, egurrezko zubiaren gainetik ibiltzen pasatu naizenean.
- Joan daitezela olerki zaharrak pikutara.
- Gizarte honetan asko mugitzen direnek aukera asko dituzte, animaliek ehizatuak izateko ere aukera asko dituzte honela.
- Olerki on batek olerkiak idazteko gogoak pizten ditu, zerbait barnean dugula gogoratzen digu. Zerbait ateratzeko gogoa, agian beste norbaiten barruan egon garelako lehenago.
- Norabide guztietan pausuak ematen ditugu. Mugetara iristean disimulu apur bat izan.
- Oroitzapen onak diren marrazki eskasak, bigarren tiraderan.
The post ADAGIO III. appeared first on Dantza.