blogak

Beranduegi

Sanferminetan “momentiko” hitza aipatzea debekatuko dute, aniztasun lexikoa babesteko

Iruñeko Sanferminak hasi aurretik udalak argitaratu duen ordenantza bati esker, historian lehenbiziko aldiz aniztasun lexikoaren aldeko neurriak hartuko dira Euskal Herriko festarik ezagunenean: “momentiko” hitza esatea debekatu du udal gobernuak eta oposizioko taldeek ere aho batez txalotu dute neurria. “Bazen garaia, hitz horrek izugarri kamustu du gure adierazteko gaitasuna”, esplikatu du Mañueta kaleko bizilagun batek. Udalak isunak jarriko dizkie “momentiko” esaten duten guztiei eta Iruñetik kanpokoei zigor ekonomiko handiagoa ezarriko die, “postureoan ibiltzearen gehigarria” dela-eta. 8.000 triptiko banatuko dituzte Sanferminetara doazenen artean, hitz debekatuaren alternatiba gisa erabiltzeko. “Bai gustura gaudela”, “ondo pasa dugu ba” edo “earki gatxik” bezalako esamoldeak jaso dituzte bertan.

jatorrizkoa ikusi

2013-2019
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07