blogak

Beranduegi

ETBko kale-inkestetan aktore izateko castinga abian

“Argi zegoen horrelako zerbait etorriko zela”, “Arduraz jokatzen ez badugu, badakigu zer dagoen”, “Batzuk ez dira kontziente lagunekin trago bat hartzeak zein arrisku dakarren, denontzat”, “Etxean sartuta egon behar badugu, ba halaxe, ez dago besterik”… ETBko kale-inkestetan agertu nahi duten herritarrek hainbat esaldi ikasi beharko dituzte, kazetaria hurbiltzen zaienean boteprontoan botatzeko. Berdin du galdera zein den, erantzunak zerrendako esaldi bat izan behar du derrigor. Konbentzimenduz erantzun behar da, noski, modu sinesgarrian, eta ez kazetariak nahita aukeratu balitu bezala. Horretarako gogor ari dira egiten castingeko arduradunak. Aste honetan jipoi ederra eman diote herritar bati, “zein iritzi duzu ETBko zuzendari nagusiak euskaraz ez hitz egiteari buruz?” galderari “txarto” erantzuteagatik, eta ez aukeratzeagatik, esaterako, zerrendan ageri den “okerrago daude AEBetan eta ez dira kexatzen” moduko bat.

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07