blogak

Beranduegi

5G teknologiari esker EAJk oposizio sinesgarri bat eduki dezake aurrean

Mundua asko aldatuko da 5G teknologia indarrean sartzearekin batera eta adituen ustez, aurretik ezinezkoak ziruditen gauzak posible bihurtuko dira. Besteak beste, Euskal Autonomia Erkidegoan EAJri benetako oposizioa egitea ahalbidetuko du teknologia berriak. “Oraingoz 5G teknologiari esker lortu da tamaina handi samarreko dragoi holografikoak sortzea”, esplikatu du Gorka Troñi adituak. “Badakigu txikikeria dela jeltzaleei aurre egitera ausartuko den zerbait sortzearen aldean, baina teknologia honekin posible izango dela uste dugu”. Proiektuak, hori bai, kostu handi samarra izango du. “Kontuan hartu zerotik hasi behar dugula, aurrekaririk ez duen zerbait sortzeaz ari baikara”. Horregatik, eta Eusko Jaurlaritzak proiektuari diru-laguntzak ukatu ostean, crowdfunding bat jarriko dute abian.

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07