blogak

Basamortukoak

Sua gorri da gauaren erdian

 

   Kidaleko «adagh», edo «adar», edo «adrar» mendi diren gailurretatik dator «kel_tamasheq-en», tuaregen, abesti hau.

Gitarra, durbantea, irrintzia, eta txaloak.

Emakumeak, gizonak, eta haurrak hondarraren leunean eserita, elkarren ondoan, familia bat, herri bat, amets bat dira. Erraietatik kanporatutako desioa, garrasi ozena, «al-horrija» askatasuna, eta «toumastin» lurra.

Sua gorri da gauaren erdian «tenere» basamortuaren magalean.

Suaren itzalean, suaren berotasun gozoaren babesean tea, «imidiuan» edo lagun zaharren artean. Solasa, patxada, tea, eta sua «tenere» basamortu betikoaren altzoan.

Eta zeruaren erdian, eder, beti bezala «aiur» ilargi amandrea, gaueko erregina.

Azawadeko seme-alabek, basamortuarenak «al her ghas» bake desioz blaitu nahi dute seme-alaben etorkizuna, «imazighenena» gizaki askeena.

Insalah!

 

 

 

jatorrizkoa ikusi

2013-2024
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07