blogak

Bai Horixe-Bizargorri

ZARAUZKO BANDERA

Gaudenean gaudela (aurtengo hemezortzi estropadetatik bi herenak eginda) eta datorrena datorrela (sei lehia estuen faltan Eusko Label Ligarenak osatzeko, jokatzeko, gozatzeko), pozaren atseginetan da «Ama Guadalupekoa», Hondarribiko arraunlarien koadrila. Abuztuko Ama Birjinaren egunean lemixi eta San Rokerenean txafo, aise eta airoso ekarri baitu itxera larunabat-igandez Zarauzko bandera. Azken hiru urteotan hala, alajaina. Bejondeizuela, mutilak! A Coruñako hura ahantzirik, lotsak erantzirik, ilusioa berriz herrian erantsirik. Hiru egunen ondoren jarriak, lau bertso berriak, bost bat urterako baliagarriak.

 

Fan den asteburuan

Zarautzen bandera,

hamaika kontrario

ekarriz mendera;

hiru urtez segidan,

gainera, entera…!

Hondarribiak badu

urrezko kantera.

 

Kuliskak zein airoso

Kai-Zarrian hegan;

arraunlariak berdin

itsas-olen segan…

Nahiz-eta ur gaziya

ez litekeen edan,

zipriztinak graziya

sortzen du guregan.

 

«Ura bai ta urik ez…»

garbi dut esango,

suerterik baldin bada

txanpaina edango!

Astinduaz gogotik

beso eta zango,

aurten ere guriyak

kanpeoi izango.

 

Itxeko bandan beti

banderaren bila

egin-ahalka itxeki,

neska nahiz mutila…

Munduan parekorik

gabeko koadrila,

ZORI ON eta jaso

gure txalo pila!!!

 

Bizargorri, 2020-08-19


© bizargorrizena for Bai Horixe - Bizargorri, get_post_time('Y'). | Permalink | No comment | Add to del.icio.us
Post tags:

Feed enhanced by Better Feed from Ozh

The post ZARAUZKO BANDERA appeared first on Bai Horixe - Bizargorri.

jatorrizkoa ikusi

2013-2022
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07