blogak

Bai Horixe-Bizargorri

URTEAK BADOAZ

Urteak badoaz, joaz-joaz; eta, joanean-joanean, gu ere bagaramatzate, eramanean-eramanean… Urte Berri, Urte Zahar, Martzelino praka zahar. Urte Zahar, Urte Berri, zoroek ere igerri… Urte askoan nahi badek bizi, oillokiñ lotâ ta txorikiñ jeiki… Urte Zaharra ondo bukatu eta Berria hobeto hasi… Eta beste hamaika ateraldi xelebre xahar badabil egunotan gure ahotan. Alfer-alferrik. Ni utz nazazue bakean, ilgora izan edo ilbera, ama ilargiarekin gau zurietan, lotara bidean atseginetan, datorren urte berriko ilunabarreko ilargiteetan. Guztietan.

 

Gaur berri-paper seriorik ez delarik inon, ez naiz nire honetan zurian beltz seriotan hasiko baboen moduan. Beraz, zerbait oroitze aldera, hona hemen atzo (Urte Zahar eguna) eta gaur (Urte Berri eguna) gure koadrilako zazpi lagunxar poxpolinok nola gabiltzan kantari eguerdian Sokoako “Eguzkilore” tabernan baxoerdi bana eskatzerakoan, aldian-aldian doinua aldatuz. Bat, “Gauza bat deklaratzen…”; bi, “Mando baten gañian…”; hiru, “Motibo bat nigana…”; lau, “Lagundurikan denoi…”. Eska eta kaska, zurrut eta purrut… Ez-dok-bost? Ba, akabo eta plost!

 

Adio Urte Zaharra

(tronpeta, bibolin…),

zatoz Urte Berria

(txistu ta danbolin…).

Hemen gaude koadrilan

zazpi bat poxpolin:

atera pintxo batzuk;

atera ba, jolin!,

txuri bat, lau Vivanco

eta bi txakolin.

 

Ugrrrte Begrrri gonnn, igrakurrrle…! Zagkurrrak zaunnngka ilarrrgiagri; ilarrrgiak beti arrrgi… Mmmuxu potttoolooo bannna: bppaaaa!!!

 

Bizargorri, 2020-01-01


© bizargorrizena for Bai Horixe - Bizargorri, get_post_time('Y'). | Permalink | No comment | Add to del.icio.us
Post tags:

Feed enhanced by Better Feed from Ozh

The post URTEAK BADOAZ appeared first on Bai Horixe - Bizargorri.

jatorrizkoa ikusi

2013-2020
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07