blogak

Bai Horixe-Bizargorri

HAMAIKA ETA BAT GEHIAGO

HAMAIKA ETA BAT GEHIAGO

 

(KONTXAn HAMABIgarren BANDERA).

 

Hondarribian (Irun, Hendaia),

Bidasoaren ahoan,

neska-mutilak arraun lanean

ehun bat urte iragoan

estropadetan ibilki dira

emaitza on oparoan,

herriarentzat ona-ta-sona

ekarriaz luzaroan.

 

Irailak bian, Zierbena lehenen;

Urdaibai, bederatzian…

Halere, inoiz halabeharrak

jotzen du era bitxian:

Zierbenarekin Hondarribiak,

borroka estu itxian,

estropadarik irabazi ez

eta bandera ‘itxian’!

 

Gure mutilek dantzatu dute
bizkarra eta gerriya
aurten berriro irabaziaz
Kontxan bandera berriya.
Pozak txoratzen dantzari dabil
kale-portu-baserriya,
azaña honek harrotu baitu
Hondarribiko herriya.

 

Arraunlariak handik-hemendik

fitxatzeko kreditua

batzuek behintzat aspaldi dute

urtez urte gehitua.

Eroste hori ezin esango

dugu denik delitua…

Hondarribiak harrobiakin

handia du meritua.

 

Neska-mutilen koadrila dugu

hemen lege-legekoa:

bertan hazia, bertan hezia,

ia dena etxekoa,

Arraun Taldea langile fina,

herria poz betekoa…

Urte askoan gora-ta-Gora

Ama Guadalupekoa!!!

 

 

HONDARRIBIAn, 2018ko irailean.

Jesusmari Mendizabal Iraola, «Bizargorri».


© bizargorrizena for Bai Horixe - Bizargorri, 2018. | Permalink | No comment | Add to del.icio.us
Post tags:

Feed enhanced by Better Feed from Ozh

jatorrizkoa ikusi

2013-2020
Blogetan! Blog izarren bila

AZKUE FUNDAZIOA
Agoitz plaza 1, 48015 Bilbo, Bizkaia
Tel. 94 402 80 81 - Faxa. 94 405 24 07