Zer da Bai Euskarari Ziurtagiria?

Elkarteari buruzko Ohiko Galderak biltzen ari gara atal honetan eta lehenengo galderari erantzun dio Ane Insua elkarteko aholkulariak bideo honetan:

Zer da Bai Euskarari Ziurtagiria

Lan munduan euskararen erabilera areagotzeko tresna eraginkorra dugu Bai Euskarari Ziurtagiria.

Alde batetik, euskararen presentzia areagotzeko erabakia hartu duten entitateak identifikatzeko eta erabaki horri aitormena emateko balio digu.

Bestetik, euskararen erabilera areagotzeko lanketa bat egiteko aukera ere ematen digu. Izan ere, urtero biltzen gara ziurtagiridun guztiekin haien hizkuntza egoera aztertzeko eta horren arabera helburu erreal eta egokituak finkatzen ditugu urtez urte euskarari espazio berriak irekiz.